📌 Pergjigje nga Adelina Kuçana :
Nese ke per qellim qe falet teravia 4 rekate ashtu siç falet namazi farz kjo nuk lejohet, sepse nuk lejohet perngjasimi i sunetit me farzin.
Ka thene Profeti- salallahu alejhi ue selem-:
“Mos e falni namazin e vitrit tre rekate dhe ti perngjasoni namazit te akshamit”.
Thote Ibnu Haxher, Sheukanij, Abdul Adhijm el abadij dhe shejh Albani se qellimi eshte te mos ulesh ne et-tehijjat pas dy rekateve se kjo i perngjet namazit te akshamit, por te japesh selam pas dy rekateve dhe pastaj te falesh nje rekat, ose te falesh tre rekate rrjesht pa ulje.
Kjo vlen edhe per ata qe falin teravite kater rekate duhet qe te ulen ne et-tehijjat pas dy rekateve dhe te japin selam.
Falja e teravive nga dy rekate (pra dhenia selam pas çdo rekate) eshte sunet, keshtu ka vepruar Profeti – salallahu alejhi ue selem – dhe eshte trasmetuar se ka thene:
“صلاة الليل مثنى مثنى ”
“Namazi i nates eshte dy rekate, dy rekate”
Pra qe pas çdo dy rekateve te japesh selam.
Nese ky imam falet me 4 rekate pa dhenese selam pas dy rekateve keshillohet qe te veproje sipas sunetit dhe nese vazhdon ne faljen e saj perseri nga 4 rekate, atehere mund te zgjedhesh nje xhami tjeter qe imami i saj i fal nga dy rekate (pra pas çdo dy rekate te jepet selam).
Lusim Allahun qe te udhezoje drejt te saktes dhe zbatimit te sunetit.