Pyetje: Selam Alejkum Zysh ..In sha Allah jeni mir… desha t’pys ne lidhje me gruan ne ahiret (Allahu te boft ty 1prej tyre e gjith motrat e grupit)….
Kam degjuar ligjerat qe meshkujt do ta takojn Allahun cdo te xhuma pasi kan marr pjes ne xhami dhe ka prej aty qe do ta takojn 2 her ne dit ne mengjes dhe ikindi mvaret nga pozita e afersis ne safe dhe qendrim.
E sa i perket gruas ajo do ta shoh Allahun vetem 1 her ne fest te bajramit … Ose disa dijetar thojn do ta shohin nga pallatet e tyre … Ka ndonje argument pse gruaja nuk do takohet me Allahun ashtu si Burrat ose esht Allahu qe e din urtesin.
- Përgjigje nga Adelina Kuçana
Falënderimi i takon Allahut.
Paqja dhe bekimi i Allahut qofshin mbi të Dërguarin e Tij.
Ue alejkum selam!
- Së pari: Besimi i saktë i Ehli suneh dhe xhema eshte se besimtarët do ta shohin Zotin e tyre me shikim te qarte duke u bazuar në argumente nga Kurani dhe suneti i saktë:
Allahu thotë në Kuran:
(وُجُوهٌ يَوْمَئِذٍ نَاضِرَةٌ * إِلَىٰ رَبِّهَا نَاظِرَةٌ)
“Atë ditë do të ketë fytyra të shkëlqyera (të gëzuara). Që Zotin e tyre e shikojnë.”
[Sure Kijameh 22 – 23]
Gjithashtu ka thënë Allahu Subhanehu ue Teala:
(لِلَّذِينَ أَحْسَنُوا الْحُسْنَىٰ وَزِيَادَةٌ ۖ وَلَا يَرْهَقُ وُجُوهَهُمْ قَتَرٌ وَلَا ذِلَّةٌ ۚ أُولَٰئِكَ أَصْحَابُ الْجَنَّةِ ۖ هُمْ فِيهَا خَالِدُون)َ.
“Atyre që bëjnë vepra të mira, u takon e mira (xhenneti) edhe më tepër (shikimi i All-llahut). Fytyrat e tyre nuk i mbulon pluhuri i zi as nënçmimi, ata janë banues të xhennetit, aty janë përgjithmonë.” (Junus – 26)
Dhe Profeti ﷺ ka thene:
(إنكم سترون ربكم يوم القيامة كما ترون هذا القمر لا تضامون في رؤيته”
“Ju do ta shikoni Zotin tuaj ashtu siç po e shikoni këtë (d.m.th. Hënën), duke mos pasur pengesë në shikimin e Tij.”
(Transmeton Buhariu 7436, Muslimi 6333)
Dhe këto argumentet qe permendem dhe te tjera te shumta perveç këtyre dëshmojne që Allahun do ta shohin edhe burrat edhe gratë. Dhe kjo përfshin edhe gratë edhe burrat dhe është i përgjithshëm për të dyja gjinitë.
Dhe Allahu e di më së miri se si do ta shikojnë Atë besimtaret.
- Së dyti: Prej mirësive të banoreve te xhenetit eshte se do te mblidhen ditën e xhuma dhe do të kënaqen me shikimin e Allahut të Lartësuar -Allahu na furnizofte ne dhe ju kete miresi!- ashtu siç ka ardhur në nje hadith qe e ka konsideruar shejh Albani – Allahu e mëshiroftë- hasen ne librin e tij “Sahihut-tergijb”, (3761).
Ndersa ne hadithin e Enesit -radijallahu anhu- transmetohet se Profeti
-salallahu alejhi ue selem- se ka thënë: “Në Xhennet ka një treg, te i
cili vijnë për çdo të premte. Aty ka kodrinë me misk (parfum), të cilën një erë e veriut e merr duke ua vendosur fytyrës dhe rrobave të tyre. Kurse atyreve (grave) u shtohet bukuria dhe mirësia, e kthehen te familja e tyre më të mirë dhe më të bukur, kurse familja e tyre u thotë: “Uallahi qenkeni bërë më të bukur dhe më të mirë.” Edhe këta do tua kthejnë: “Edhe ju, Uallahi, qenkeni bërë më të bukura dhe më të mira”.
(Transmeton Muslimi 2833)
🌱 Shejhul- Islam Ibn Tejmijeh -Allahu e mëshiroftë- thotë në lidhje me këtë hadith:
“Lejohet që fjala (u shtohet) në këtë hadith të shpjegohet me “shikimi i Allahut” dhe do te jete kuptimi i hadithit që gratë e besimtarëve shohin Allahun në xhenet duke qënë ky shikim shkak per shtimin e bukurisë dhe mirësise se tyre, nëse shkaku do të jetë: “Shikimi i Allahut” siç është shpjeguar në hadithe të tjera”.
Ajo që është përmendur në pytje që gratë do ta shohin vetëm njëhere per Bajram, është një thënie që ka nevojë për argument. E sakta është që gratë do ta shohin Allahun e Lartësuar dhe nuk është të qënurit e gruas grua që e ndalon shikimin e Allahut, ashtu siç të qenurit burrë nuk është kusht për shikimin e Allahut siç e përmendem edhe më lart qe Allahun do ta shohin të gjithe besimtaret, banore te xhenetit.
- Se treti: Nuk përjashtohet fakti që banoret e xhennetit që do të shohin Zotin e tyre çdo të premte, të ketë disa prej tyre që ta shohin edhe në kohë të tjera, përveç së premtes, sepse banorët e xhenetit ndryshojnë në grada dhe në kënaqësitë që përjetojnë.
Por te dêshmuarit që ata do ta shohin çdo ditë (biles dy herë në ditë siç është përmendur në pyetje) duhet të jetë me argument të saktë dhe nuk ka ndonjë argument që e verteton një gjë të tillë.
🌱Shejh Albani -Allahu e mëshiroftë- , ka thënë pikërisht per kete:
“Besimtarët do të shohin Zotin e tyre çdo të premte, ndërsa që ta shohin Atë në çdo orë dhe çdo moment, për këtë nuk kemi dije.”
🔹Së fundi: Besimtarja përpiqet në këtë dynja që të bëjë shkaqet për të qënë prej banorëve të xhenetit dhe garon sa më shumë në vepra të mira, duke u bindur që prej mirësive më madhështore për banoret e xhenetit është shikimi i Allahut dhe Allahu nuk e thyen Premtimin e Tij.
Allahu na befte ne dhe ju prej banorve të xhennetit dhe na mundesofte Shikimin e Tij!
Adelina Kuçana
Dhjetor 2016
Besimtarët 